Á morgun, þriðjudaginn 27 nóvember kl 12:00, mun ég halda fyrirlestur um bálkakeðjur og rafmyntir í Háskólanum í Reykjavík.

Fyrirlesturinn er með yfirskriftina: „Er bálkakeðja framtíðin?“.

Farið verður um víðan völl í heimi rafmynta og bálkakeðja, en við reynum að taka góðan tíma í spurningar.

Nánar um fyrirlesturinn

Uppúr 2008 má segja að það hafi orðið sprenging í nýsköpun í fjártækni og tengdum greinum eftir að Bitcoin leit dagsins ljós. Kristján Ingi Mikaelsson framkvæmdastjóri Rafmyntaráðs Íslands kemur í heimsókn til okkar í HR.

Í fyrirlestrinum verður ekki einungis fjallað um söguna og framtíðina, einnig kafað ofan nokkrar grundvallarspurningar sem snú að tækninni sjálfri og þeirri umbyltingu sem gæti valdið.

• Hvað eru snjallsamningar og forritanlegir peningar?
• Hvaða áhrif munu forritanlegir peningar hafa á vélræn viðskipti (e. machine to machine economy)?
• Hverju mun það breyta að hafa þjóðargjaldmiðla á bálkakeðjum
• Eru milliliðir eða traustir aðilar að verða óþarfi?